ނ. އަތޮޅުގައި އޮންނަ ސޮނޭވާ ޖާނީ ރިސޯޓުގައި އަލިފާނުގެ ހާދިސާއެއް ހިނގައި ބޮޑެތި ގެއްލުންތަކެއް ވެއްޖެއެވެ.
އެމްއެންޑީއެފުން ބުނީ، އަލިފާނުގެ ހާދިސާއެއްގެ ރިޕޯޓް ލިބުމާއެކު އެ ސަރަހައްދަށް ގޮސް ހަރަކާތްތެރި ވެފައިވާކަމަށެވެ. ސޮނެވާ ޖާނީ ރިސޯޓުގައި އަލިފާނުގެ ހާދިސާއެއް ހިނގުމާ ގުޅިގެން ހާދިސާގައި ހަރަކާތްތެރިވީ އެމްއެންޑީއެފް ނޮދަން އޭރިއާ ކޮމާންޑް، ޅ. ނައިފަރު ފަޔަރ ސްޓޭޝަނުންކަމަށްވެސް އެމްއެންޑީއެފުން ބުނެފައިވެއެވެ.
އަލިފާނުގެ ހާދިސާއާ ގުޅިގެން މީސްމީޑިއާގައި ދައުރުވަމުންދާ ފޮޓޯތަކުން ފެންނަ ގޮތުގައި އަލިފާން ރޯވެފައިވަނީ، އެ ރިސޯޓުގެ ވިލާއެއްގައެވެ.
އަލިފާނުގެ ހާދިސާއާއި ގުޅިގެން ފުލުހުންވެސް ހަރަކާތްތެރިވެފައިވާކަމަށް އެ އިދާރާއިން ވަނީ ބުނެފައެވެ. އަދި އިތުރު ތަފްސީލު ލިބޭ މިންވަރަކުން ހިއްސާކުރާނެ ކަމަށްވެސްވަނީ ބުނެފައެވެ.
