ބޮމެއް އޮތް ކަމަށް ބުނެ ބިރުދެއްކި މީހަކު ހަނިމާދޫ އެއަރޕޯޓުން ހައްޔަރު ކޮށްފިއެވެ.
Ads by Midnight Munch MV
ފުލުހުންގެ ޚިދުމަތުން ވިދާޅުވީ އެމީހާ ހައްޔަރު ކުރީ ހަނިމާދޫ އެއަރޕޯޓުން ކަމަށާއި އެގޮތުން، އެއަރޕޯޓަށް ފުރަން ގޮސް ހުރެ ބޮމެއް އޮތް ކަމަށް ބުނެ ބިރުދެއްކި ކަމަށް ފުލުހުން ވިދާޅުވިއެވެ.
މި މައްސަލައިގައި ހައްޔަރު ކޮށްފައިވަނީ ދިވެހި ފިރިހެނެއް ކަމަށް ފުލުހުން ވިދާޅުވިއެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
އެއާޕޯޓްތަކުގައި ސެކިއުރިޓީ ޗެކްކުރާ އިރު ބޮން ފަދަ އެއްޗެއް އޮތް ކަމަށް މަޖަލަކަށް ބުނުމަކީ ވެސް، މުޅި އެއާާޕޯޓް އެލާޓަށް އަންނަ ކަމެކެވެ. މިފަދަ ވާހަކައެއް ސަމާސާއަށް ދެއްކުމަކީ ވެސް އެއާޕޯޓުގެ ސެކިއުރިޓީން ވަރަށް ސީރިއަސްކޮށް ނަގާ ކަންކެމެވެ.
