އެމެރިކާ އާއި އީރާނުގެ ދެމެދުގައި ހަނގުރާމަ ހުއްޓާލައި ސުލްހަ ގާއިމުކުރުމަށް ޕާކިސްތާނުގެ ވެރިރަށް އިސްލާމްއާބާދުގައި ކުރިއަށްދިޔަ 21 ގަޑިއުރުގެ މަޝްވަރާތައް ވަކިކޮޅެއްގައި ނުޖެހި ނިންމާލައިފިއެވެ.
ބައެއް ކަންކަމުގައި އެއްބަސްވުކަށް އާދެވިފައިވާކަން ފާހަގަކޮށް އީރާނުގެ ޚާރިޖީ ވުޒާރާގެ ތަރުޖަމާނު އިސްމާޢީލް ބަޤާއީ އެޤައުމުގެ ސްޓޭޓް ޓީވީއަށް ދިން އިންޓަވިއުއެއްގައި ބުނެފައިވާ ގޮތުގައި 40 ދުވަހުގެ ހަނގުރާމައަށް ފަހު، އިތުބާރުނުކުރުމާއި ޝައްކަުތަކުގެ މާހައުލެއްގައި އެއްމެ ބައްދަލުވުމަކުން ފުރިހަމަ އެއްބަސް ވުމަކަށް ނާދެވުވީ ޠަބީއީކަމެކެވެ.
ޕާކިސްތާނުގައި ކުރިއަށްދިޔަ ބައްދަލުވުންތަކުގައި ފުރިހަމަ އެއްބަސް ވުމަކަށް އާދެވިފައި ނުވާކަން އެމެރިކާގެ ނައިބު ރައީސް ޖޭޑީ ވޭންސް ވެސް ވަނީ ކަށަވަރުކޮށްދީފައެވެ.
ބައްދަލުވުންތަކަށް ޕާކިސްތާނަށް ދިޔަ އީރާނުގެ ވަފުދު އެނބުރި އެޤައުމަށް ގޮސްފައިވާއިރު، ދެންއިތުރު ބައްދަލުމެއް އޮންނާނެކަމަށް އެއްވެސް ޤައުމަކުން އަދި ހާމަކޮށްފައެއް ނުވެއެވެ.
