ވިލިމާލޭ ފަޅަށް ފީނަން ގޮސް އުޅުނު މީހަކު މަރުވެއްޖެއެވެ.
މިއަދު ހެނދުނު ހިނގި މި ހާދިސާގައި މަރުވެފައިވަނީ ޢުމުރުން 22 އަހަރުގެ ނޭޕާލް ފިރިިހެނެކެވެ.
މި ހާދިސާއާ ގުޅިގެން ފުލުހުން ބުނީ ވިލިމާލޭ ފަޅަށް ފީނަން ގޮސް އުޅުނު ނޭޕާލްގެ ފިރިހެނަކު ގެއްލިގެން މިއަދު ހެނދުނު 06:30 ގައި ފުލުހުންނަށް ރިޕޯރޓްކޮށްފައިވާ ކަމަށެވެ. އޭނާ ހޯދުމަށް ވިލިމާލެ ފުލުހުންނާއި މެރިން ޕޮލިސް ގުޅިގެން ކުރި މަސައްކަތުން މިއަދު ހެނދުނު 06:55 އެހައިކަންހާއިރު މޫދު އަޑިން އޭނާ ފެނިފައިވާކަމަށް ފުލުހުން ވަނީ ބުނެފައެވެ.
އޭނާ މަރުވީ ވިލިމާލެ ހޮސްޕިޓަލަށް ގެންގޮސް ފަރުވާ ދެމުން ދަނިކޮށެވެ.މޫދު އަޑީގައި އޮއްވައި އެމީހާ ނަގާފައިވަނީ އެމީހާ ހޯދުމުގެ މަސައްކަތް ކުރަމުންދިޔަ ސިފަންއިގެ މީހެއްކަމަށް ފުލުހުން ވަނީ ބުނެފައެވެ.
