އީރާނުގެ ނޫސް މަޞްދަތުތަކުން ރިޕޯޓުކޮށްފައިވާ ގޮތުގައި އެމެރިކާ އާއި އިޒްރޭލުން އީރާނުގެ މެދުތެރޭން ޝާހީން ޝަހްރުގައި ދީފައިވާ ވައިގެ ހަމަލާތަކެއްގައި އީރާނު ލަޝްކަރުގެ އެއާ ޑިފެންސް އެކަޑަމީގެ ކޮމާންޑަރު، ބްރިގޭޑިއާ ޖެނެރަލް މައްސޫދު ޒައްރު ވަނީ މަރާލާފައެވެ.
އެމެރިކާ އާއި އިސްރާއީލުން ދިން ހަމަލާތަކުގައި މަައްސޫދު މަރުވެފައިވާކަމަށް ބައިނަލް އަޤްވާމީ މީޑިއާތަކުގައިވެސް ވަނީ ރިޕޯޓުކޮށްފައެވެ.
މިދިޔަ ފެބްރުއަރީ މަހުގެ 28 ވަނަ ދުވަހު އެމެރިކާ އާއި އިޒްރޭލުން ގުޅިގެން އީރާނާ ދެކޮޅަށް ފެށި ޢުދުވާނީ ހަމަލާތަކުގައި އެމެރިކާގެ ސުޕްރީމް ލީޑަރު އަލީ ޚާމަނާއީ ހިމެނޭހެން އެތައް ސަތޭކަ ބަޔަކު މަރާލިއެވެ. މީގެ ތެރޭގައި އީރާނުގެ އަސްކަރީ ބޮޑުންވެސް ހިމެނެއެވެ.
އޭގެ ފަހުން އީރާނުން ވަނީ ދިފާއުގައި ރައްދު ހަމަލާތައް ބަދަލުކޮށްފައެވެ. އެގޮތުން އިރާގު، އިޒްރޭލް، ޖޯޑަން، ކުވައިތު، ބަހްރެއިން، ގަތަރު، ޔޫއޭއީ އަދި ސައުދީ އަރަބިއްޔާ ފަދަ ގައުމުތަކުގައި ހުންނަ އެމެރިކާގެ ބޭސްތަކަށް އަމާޒުކޮށް ވަރުގަދަ ހަމަލާތަކެއްދީފައިވެއެވެ.
