ކުރީގެ ރައީސް ޔާމީންގެ ޕާޓީ، ޕީޕަލްސް ނޭޝަނަލް ފްރަންޓް (ޕީއެންއެފް) އިން އިސްނަގައިގެން މިރޭ ބޭއްވި އެއްވުމެއްގައި އެމަނިކުފާނުގެ އިސްތިއުފާއަށް އެއްވުމުގެ ބައިވެރިން ގޮވާލައިފިއެވެ.
ޕީއެންއެފްއިން އިސްނަގައިގެން ބޭއްވި މި އެއްވުމެއްގައި ރައީސް ޔާމީންގެ އިސްތިއުފާއަށް އިސްވެ ގޮވާލާފައިވަނީ ރައްޔިތުންގެ މަޖިލީހުގެ މަކުނުދޫ ދާއިރާގެ ކުރީގެ މެންބަރު މުޙައްމަދު ރާއީއެވެ. ރާއީއަކީ އިދިކޮޅު އެމްޑީޕީއަށް ނިސްބަތްވާ އެ ޕާޓީގެ މެންބަރެކެވެ. ރައީސް ޔާމީނުގެ އިސްތިޢުފާއަށް ގޮވާލާފައިވާއިރު، އެމަނިކުފާނުގެ ޓީވީ ޗެނަލް ”ޗެނަލް 13“ އިން އެ މަންޒަރު ލައިވްކޮށް ބްރޯޑްކާސްޓް ވެސް ކުރިއެވެ.
އެ މަންޒަރު ޓީވީން ލައިވްކޮށް ވަގުތުން ދައްކަމުންދިޔަ އިރު ފެނިގެންދިޔައީ، ރައީސް ޔާމީނުގެ އިސްތިއުފާއަށް ރާއީ ގޮވާލުމުން ކައިރީގައި ހުރި ރައީސް ޔާމީންގެ އެންމެ އަރިސް އެއްބޭފުޅާ ކަމުގައިވާ، މުޙައްމަދު މަލީޙް ޖަމާލް އޭނާއަށް ހިތްވަރުދެމުންދިޔަ ތަނެވެ.
ފާހަގަކޮށްލެވޭ ގޮތުގައި، އިއްޔެ ބޭއްވުނު ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބުގައި އިދިކޮޅު އެމްޑީޕީއަށް ކާމިޔާބު ލިބުމާ ގުޅިގެން، އެމްޑީޕީ އަދި ޕީއެންއެފްއިން ގެންދަނީ މީސް މީޑިއާގެ އެކި މަންސަތަކާއި މާލޭ ސިޓީގެ މަގުތަކަށް ނުކުމެ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށާއި އެމަނިކުފާނުގެ ސަރުކާރަށް މަލާމަތްކޮށް ހަޖޫޖަހަމުންނެވެ.
ކާމިޔާބީގެ ވަގުތުގައި ރިވެތި ގޮތުގައި އުފާފާޅުކުރުމުގެ ބަދަލުގައި، މީހުންނަށް މަލާމަތްކޮށް ހަޖޫޖެހުމަކީ އެމްޑީޕީން އަބަދު ވެސް ކޮށް އުޅޭ ކަމެކެވެ. މިކަމުގެ ސަބަބުން ގިނަ ބައެއްގެ ފާޑުކިޔުން މި ދެ ޕާޓީއަށް ވެސް ވަނީ އަމާޒުވެފައެވެ. ވަކިން ޚާއްޞަކޮށް ޕީއެންއެފްއިން އެމްޑީޕީއާއެކު ކޯލިޝަން ހެދުމުގެ ސަބަބުން އާންމުންގެ ފާޑުކިޔުންތަކުގެ އަޑުވަނީ އިންތިހާއަށް ގަދަވެފައެވެ.
ސާބަސް ޕްރޮޕަގަންޑާ ހަބަރު ފަތުރާ ތިޔަ ނޫހައް. ރާއީ އަޢް އޮޅިގެން ބުނެވުނުކަން ހަމަ ރަނަގަޅަޢް އެނގޭ. ކޮންކަހަލަ ހަބަރު ތި ލިޔަނީ. ލިޔާނެ އެއްޗެއް ނެތިއްޔާ މިފަހަރުވި ބޮޑު ބަލީގެ ވާހަކަ ލިޔެބަލަ. ދެން ލަލަލަ