ނުހައްގު ނޫން މުއްސަނދިކަން ހުއްޓުވުމާ ގުޅޭ ގޮތުން، އަދި ގުޅިގެން ކުރެވިދާނެ އެކި މަސައްކަތްތަކާއި ގުޅޭ ގޮތުން އައު ޕޮލިސް ކޮމިޝަނަރު އަލީ ޝުޖާއުއާ، ޕްރޮސެކިއުޓާ ޖެނެރަލް ހުސައިން ޝަމީމް މަޝްވަރާ ކުރައްވައިފިއެވެ.
Ads by MN Maldives
އެ ބައްދަލުކުރެއްވުމުގައި، ޑެޕިއުޓީ ޕްރޮސިކިއުޓާ ޖެނެރަލް މަހްމޫދު ސަލީމާއި ޑެޕިއުޓީ ޕްރޮސިކިއުޓާ ޖެނެރަލް އަލީ ސަމީރާއި، ދެއިދާރާގެ އިސްވެރިން ބައިވެރިވެވަޑައިގެންނެވިއެވެ.
ޕީޖީ އޮފީހުން ބުނީ، އެ ބައްދަލުވުމުގައި ޖިނާއީ އަދުލުގެ ނިޒާމު ހަރުދަނާ ކުރުމަށް ދެ އިދާރާއިން ގުޅިގެން ކުރާން ހުރި ކަންކަމާބެހޭ ގޮތުން ފުޅާކޮށް މަޝްވަރާ ކުރެވުނު ކަމަށެވެ.
އެގޮތުން ކުށްކުރާ މީހުން، ކުށްކޮށްގެން ހޯދާ މުދަލާއި ފައިސާ އާއި ހައްގު ނޫން މުއްސަނދިކަން ހުއްޓުވުމަށް އަޅާނެ ފިޔަވަޅުތަކާ ބެހޭ ގޮތުން ވަނީ މަޝްވަރާކޮށްފައެވެ.
