މާލޭގެ އަމީނީ މަގުގައި ތާރުއެޅުމުގެ މަސައްކަތް ނިމިއްޖެ ކަމުގައި ކޮންސްޓްރަކްޝަން މިނިސްޓްރީން މިއަދު ވިދާޅުވެއްޖެއެވެ.
އަމީނީ މަގުގެ އެންމެ ފަހުން އޮތް ސެގްމެންޓް 12، އަދި 13ގެ މަސައްކަތްތައް ނިންމާލާފައި ވަނީ ރޭގައެވެ.
އެހެން ނަމަވެސް އަދި މަގުގެ އެެބައި އޮތީ އާއްމު ދަތުރުފަތުރަށް ހުޅުވާ ނުލައެވެ.
އަމީނީ މަގުގެ ނުނިމިއޮތް 12 އަދި 13 ސެގްމެންޓްގެ ޢަމަލީ މަސައްކަތް ރޯޑް ކޯޕަރޭޝަނުން ފަށާފައި ވަނީ، ނިމިދިޔަ ސަރުކާރު ބަދަލުވުމުން މަސައްކަތް ހުއްޓާލާފައި އޮތުމަށްފަހުގައި 9 ޑިސެންބަރު 2023 ގައެވެ.
