ސަރުކާރުން ޓްރާންސް-ޝިޕްމެންޓް އަދި ރި-އެކްސްޕޯޓަށް ހާއްސަ ކުންފުންޏެއް އުފައްދައިފިއެވެ.
ރޭ މިކަން ހާމަކޮށް އިކޮނޮމިކް މިނިސްޓަރު ސަ އެކްސްގައި ކުރެއްވި ޕޯސްޓެއްގައި ވިދާޅުވީ ރާއްޖޭގެ އިގްތިސާދީ ރައްކާތެރިކަން ކަށަވަރުކުރުމާއި، ވެލިއުއެޑް ކުރުމާއި ،ޓްރާންޝިޕްމަންޓް އަދި ރިއެކްސްޕޯޓް ވިޔަފާރިއަށް ހާއްސަކޮށް 100 އިންސައްތަ ދިވެހި ކުންފުންޏެއް ކުންފުންޏެއް އުފައްދަން ނިންމާފައިވާކަމަށެވެ.
”މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީޒޯން“ ގެ ނަމުގައި އުފައްދާ އެކުންފުނި އުފެއްދެވުމާއި ގުޅިގެން ރައީސް ޑރ. މުޙައްމަދު މުޢިއްޒު އަށް މަރުހަބާ ވިދާޅުވެފައެވެ.
ރާއްޖޭގެ އިޤްތިޞާދީރައްކާތެރިކަން ކަށަވަރުކުރުމާއި،ވެލިއުއެޑްކުރުމާއި،ޓްރާންޝިޕްމަންޓް/ރިއެކްސްޕޯޓްވިޔަފާރިއަށްޙާއްސަކޮށް %100ދިވެހިކުންފުންޏެއް،މޯލްޑިވްސްއިންޑަސްޓްރިއަލް ޑިވެލޮޕްމަންޓްފްރީޒޯންގެނަމުގައިއުފެއްދެވުމަށް ނިއްމެވި ނިއްމެވުމަށްރައީސް @MMuizzu އަށްމަރުޙަބާދަންނަވަން pic.twitter.com/FGBMOj2BRn
— Mohamed Saeed (@em_saeed) January 1, 2024
މާލެ ސަރަހައްދުގައި ޓްރާންސްޝިޕްމަންޓް ބަނދަރު ތަރައްގީކުރުމަށާއި އެ މަޝްރޫއުގެ މަސައްކަތްތައް ފެށުމަކީ މި ސަރުކާރުން ފުރަތަމަ 14 ހަފުތާ ތެރޭގައި ކުރަން ނިންމާފައިވާ ކަންތައްތަކުގެ ތެރެއިން ކަމެކެވެ.
މިކުންފުންޏާ ގުޅޭ އިތުރު ތަފްސީލެއް އަދި އިކޮނޮމިކް މިނިސްޓްރީން ހާމަކޮށްފައެއް ނުވެއެވެ.
