މި އަހަރުގެ މިހާތަނަށް 10 ކްރޫޒްލައިނާއަކުން 15،000 އަށްވުރެ ގިނަ ފަތުރުވެރިން ރާއްޖެއަށް ޒިޔާރަތްކޮށްފިއެވެ.
ޓޫރިޒަމް މިނިސްޓްރީގެ ތަފާސްހިސާބުތަކުން ދައްކާގޮތުގައި މިހާތަނަށް 10 ކުރޫޒްލައިނާއަކުން ޖުމްލަ 15،958 ފަތުރުވެރިން ވަނީ ރާއްޖެއަށް ޒިޔާރަތްކޮށްފައެވެ. ރާއްޖެއަށް ޒިޔާރަތްކުރި ކްރޫޒްލައިނާތަކުގެ ތަފްސީލަށް ބަލާއިރު، އެންމެ ގިނަ ފަތުރުވެރިން ޒިޔާރަތްކޮށްފައިވަނީ ހުސްވި ފެބުރުވަރީ މަހުގެ 14 ވަނަ ދުވަހުއެވެ. އެ ދުވަހު ޖުމްލަ 3،904 ފަތުރުވެރިއަކު ރާއްޖެއަށް ޒިޔާރަތްކޮށްފައިވެއެވެ.
ކްރޫޒްލައިނާތަކުން ރާއްޖެއަށް ޒިޔާރަތްކޮށްފައިވާ ފަތުރުވެރިންގެ އަދަދު:
- ޖެނުވަރީ 12 ގައި – 970 ފަތުރުވެރިން
- ޖެނުވަރީ 23 ގައި – 1037 ފަތުރުވެރިން
- ފެބުރުވަރީ 07 ގައި – 165 ފަތުރުވެރިން
- ފެބުރުވަރީ 14 ގައި – 3904 ފަތުރުވެރިން
- ފެބުރުވަރީ 16 ގައި – 2553 ފަތުރުވެރިން
- ފެބުރުވަރީ 19 ގައި – 1037 ފަތުރުވެރިން
- މާރޗު 04 ގައި – 2736 ފަތުރުވެރިން
- މާރޗު 12 ގައި – 1210 ފަތުރުވެރިން
- މާރޗު 13 ގައި – 1348 ފަތުރުވެރިން
- މާރޗު 14 ގައި – 998 ފަތުރުވެރިން
ޓޫރިޒަމް މިނިސްޓްރީގެ ތަފާސްހިސާބުތަކުން ދައްކާ ގޮތުގައި، މި އަހަރުގެ މިހާތަނަށް ރާއްޖެއަށް ޖުމްލަ 540،674 ފަތުރުވެރިން ޒިޔާރަތްކޮށްފައިވެއެވެ. މިއީ މިދިޔަ 2025 ވަނަ އަހަރުގެ މި މުއްދަތާ އަޅައިބަލާއިރު އިތުރު އަދަދެއްކަން ފާހަގަކޮށްލެވެއެވެ ނަމަވެސް، މެދުއިރުމަތީގައި މިހާރު ހިނގަމުން އަންނަ ހަނގުރާމައާއި ގުޅިގެން މި މަހުގެ ފުރަތަމަ 12 ދުވަހުގެ ތެރޭގައި ޒިޔާރަތްކުރި ފަތުރުވެރިންގެ އަދަދު 23.6 އިންސައްތަ ދަށްވެފައިވާ ކަމަށް ޓޫރިޒަމް މިނިސްޓްރީގެ ތަފާސްހިސާބުން ދައްކައެވެ.
ރާއްޖޭގެ ފަތުރުވެރިކަން ކުރިއެރުވުމަށްޓަކައި ސަރުކާރުން ގިނަ މަސައްކަތްތަކެއް ކުރަމުން އަންނަކަން ފާހަގަކޮށްލަންޖެހެއެވެ.
