ބިދޭސީން ދިރިއުޅޭ ތަންތަނުގެ ރައްކާތެރިކަށް ކަށަވަރުކުރޭވޭ ނިޒާމުތަކެއް ޤާއިމްކުރަން ޖެހޭ ކަމަށް ގަލޮޅު އުތުރު ދާއިރާގެ އެމްޑީޕީގެ މެންބަރު މުހައްމަދު އިބްރާހިމް (ކުޑޫ) ވިދާޅުވެއްޖެއެވެ.
އޭނާ މިފަދައިން ވިދާޅުވީ ރޭ ހިނގި ނުރައްކާތެރި އަލިފަނުގެ ހާދިސާއެއްގައި 5 ބިދޭސީއަކު ނިޔާވި ޚަބަރާ ގުޅުވާ ކުރެއްވި ޕޯސްޓެއްގައެވެ.
ކުޑޫ ވިދާޅުވީ މިރޯދަމަހުގައި ހުޅުމާލޭގެ ރެސްޓޯރެންޓެއްގައި މަސައްކަތް ކުރާ ބިދޭސީންތަކެއް މުސާރަ އާއި މަސައްކަތް ކުރަންޖެހޭ ވަޤުތު އަދި ދިރިއުޅެންޖެހޭ ތަނުގެ މައްސަލާގައި އިހުތިޖާޖު ކުރަމުންދިޔަތަން ފެނުނު ކަމަށާއި، ރޭ ދަންވަރު ދިގުރަށުގައި ބިދޭސީ މަސައްކަތްތެރިން ދިރިއުޅެމުން ދިޔަ އެކޮމަޑޭޝަން ބްލޮކެއްގައި ރޯވެ، ފަސް މީހަކު ވަނީ މަރުވެފައި ކަމަށެވެ.
އޭނާ ވިދާޅުވީ ބިދޭސީން ދިރިއުޅޭ ހާލަތު އެނގޭކަމަށްމިވަނީ ހާދިސާއެއް ހިނގީމައި ކަމަށެވެ. އަދި ބިދޭސީ މަސައްކަތްތެރިން ދިރިއުޅޭ ތަންތަނަށް ބައެއް މީހުން ’ކޮށި‘ ކިޔާ އުޅޭ އަޑު އަައްސަވާ ކަމަށާއި، އެއީވެސް ބައިކުޅަބައި މީހުން އެމީހުންނާއި މެދު ދެކޭ ގޮތުގެ ކުޑަ މިސާލެއްކަމަށެވެ.
މިރޯދަމަހުގައި ހުޅުމާލޭގެ ރެސްޓޯރެންޓެއްގައި މަސައްކަތް ކުރާ ބިދޭސީންތަކެއް މުސާރަ އާއި މަސައްކަތް ކުރަންޖެހޭ ވަޤުތު އަދި ދިރިއުޅެންޖެހޭ ތަނުގެ މައްސަލާގައި އިހުތިޖާޖު ކުރަމުންދިޔަތަން ފެނުނެވެ.
ރޭ ދަންވަރު ދިގުރަށުގައި ބިދޭސީ މަސައްކަތްތެރިން ދިރިއުޅެމުން ދިޔަ އެކޮމަޑޭޝަން…— MohamedKudu (@mohamedkudu) March 13, 2026
ކުޑޫ ވިދާޅުވީ މާލޭގައިވެސް އަދި ރަށްރަށުގައިވެސް ބިދޭސީން ދިއިރުޅޭ ތަންތަނުގެ ރައްކާތެރިކަށް ކަށަވަރުކުރޭވޭ ނިޒާމުތަކެއް ޤާއިމްކުރަން ޖެހޭ ކަމަށެވެ.
އދ. ދިގުރަށުގައި ބިދޭސީ މަސައްކަތްތެރިން ދިރިއުޅޭ އެކަމަޑޭޝަން ބްލޮކެއްގައި ރޭ ހިނގި އަލިފާނުގެ ހާދިސާ އެއްގައި 8 މީހަކަށް އަނިޔާވެ އޭގެ ތެރއިން 5 މީހަކު ވަނީ މަރުވެފައެވެ.
ލުހުން ބުނީ ދިގުރަށުގެ އެކަމަޑޭޝަން ބްލޮކެއްގައި ހިނގި މި ހާދިސާގައި 8 މީހަކަށް އެކިވަރުގެ އަނިޔާ ލިބިގެން ދިގުރަށު ސިއްޙީ މަރުކަޒަށް ގެންގޮސްފައި ވާކަމަށެވެ. އަދި މި ހާދިސާގައި އަނިޔާލިބުނު މީހުންގެ ތެރެއިން 5 މީހަކު ވަނީ ނިޔާވެފައި ކަމަށް ފުލުހުން ހާމަކުރިއެވެ. މި ހާދިސާގައި ނިޔާވެފައިވަނީ ބަންގްލަދޭޝްއަށް ނިސްބަތްވާ 5 ފިރިހެނުންނެވެ. ރޯވި އަލިފާން މާގިނަ އިރުތަކެއްނުވެ ވަނީ ނިއްވާލާފައެވެ.
ފުލުހުން ބުނީ މި ހާދިސާގައި ސީރިއަސް އަނިޔާތަކެއް ލިބި، ބޮޑަށް ފިހިފައިވާ ދެ މީހަކަށް އިތުރު ފަރުވާ ދިނުމަށްޓަކައި ވަނީ މާލެ ގެނެސްފައިވާ ކަމަށާއި، ހާދިސާގެ ތަހުގީގަށް މާލެއިން ހާއްސަ ޓީމެއް ދިގުރަށަށް ދިއުމަށް ހަމަޖެހިފައި ވާކަމަށެވެ. މި ތަހުގީގު ޓީމުގައި މެޑިކަލް ޑޮކްޓަރެއްވެސް ހިމެނޭ ކަމަށް ފުލުހުން ވަނީ ބުނެފައެވެ.
މި މައްސަލަ މިހާރު އެޗްއާރުސީއެމުންވެސް ދަނީ ބަލަމުންނެވެ.
