އަންނަ ހޮނިހިރު ދުވަހުން ފެށިގެން މާލޭ ސިޓީގައި ގޮވާމުގެ ބާވަތްތަކުން ފިޠުރު ޒަކާތް ބަލައިގަންނަން ހަމަޖެހިފައިވާ ކަމަށް މޯލްޑިވްސް ޒަކާތު ހައުސްއިން ބުނެފިއެވެ.
މިކަމާ ގުޅިގެން ޒަކާތު ހައުސްއިން އެކްސްގައި ޙިއްޞާކޮށްފައިވާ ޕޯސްޓެއްގައި ބުނެފައިވަނީ، އެހެން އަހަރުތަކެކޭ ވެސް އެއްގޮތަށް މި އަހަރުވެސް، ގޮވާމުގެ ބާވަތްތަކުން ފިޠުރު ޒަކާތް ދެއްކުމަށް ބޭނުންވާ ފަރާތްތަކަށް އެ ފުރުޞަތު ހުޅުވާލުމަށް ނިންމާފައިވާ ކަމަށެވެ. އެގޮތުން މި މަހުގެ 14 ވާ ހޮނިހިރު ދުވަހުން ފެށިގެން 18 ވާ ބުދަ ދުވަހުގެ ނިޔަލަށް ގޮވާމުގެ ބާވަތްތަކުން ޒަކާތް ދެއްކުމުގެ ކަންކަން ކުރިއަށްދާނެ ކަމަށް ޒަކާތު ހައުސްއިން މަޢުލޫމާތުދެއެވެ.
#FitrZakat #MaldivesZakatHouse #ZakatHouse #Zakat pic.twitter.com/QNnKJI4Vjy
— Maldives Zakat House (@ZakatHouseMv) March 11, 2026
މި ހަތަރު ދުވަހު ފިޠުރު ޒަކާތް ބަލައިގަތުމަށް ނިންމާފައިވާ ވަޤުތުތައް:
- މި މަހުގެ 14 އަދި 15 ވަނަ ދުވަހުގެ ހެނދުނު 10:00 އިން ފެށިގެން މެންދުރު 12:00 އާއި ހަމައަށް
- މި މަހުގެ 16 އާއި 18 ވަނަ ދުވަހު ހެނދުނު 10:00 އިން ފެށިގެން 12:00 އާއި ހަމައަށް. އަދި 13:00 އިން ފެށިގެން 15:00 އާއި ހަމައަށް.
ގޮވާމުން ފިޠުރު ޒަކާތް ބަލައިގަތުމުގެ އިންތިޒާމުތައް އޮންނާނީ މާލޭގައި ހުންނަ ސެންޓަރ ފޯރ ސެކަންޑަރީ އެޑިޔުކޭޝަން (ސީއެޗްއެސްސީ) ގައެވެ. ފާހަގަކޮށްލެވޭ ގޮތުގައި، ޒަކާތުގެ ގޮތުގައި ގޮވާމުން ބަލައިގަންނާނީ ހަ ބާވަތެކެވެ. އެ ބާވަތްތަކަކީ:
- އާދައިގެ ހަނޑޫ
- ތައިލެންޑް ހަނޑޫ
- ބާސްމަތީ ހަނޑޫ
- ރަތް ހަނޑޫ
- ގޮދަން ފުށް
- އާޓާ ފުށް
