ބޭނުންވާ ތަކެތި
1 ބޮޑު ފިޔާ
2 ލޮނުމެދު (ގާނާފައި)
ހިކަނދިފަތް
½ ސައިސަމުސާ މުގުރި ދިރި
¼ ސައިސަމުސާ މުގުރި އަސޭމިރުސް
½ 1 ސައިސަމުސާ ތެލި މިރުސް
1 މޭޒުމަތީ ސަމުސާ ހުނި
¾ ސައިސަމުސާ ލުނބޯ ހުތް
¾ ސައިސަމުސާ ލޮނު (ނޫނީ ބޭނުން ވަރަކަށް)
3 މޭޒުމަތީ ސަމުސާ ފެން (ހަވާދު ހެދުމަށް)
1 މޭޒުމަތީ ސަމުސާ ތެޔޮ
¼ ގިތެޔޮ މިރުސް (ނޫނީ ބޭނުން ވަރަކަށް)
3 އިންޗި ރާނބާ
1 ޖޯޑު ފެން ކިރު
200 ގްރާމް ފަރުމަސް (ކޮށާފައި)
2 މޭޒުމަތީ ސަމުސާ ބޯކިރު
ހަދާނެ ގޮތް
ފިޔާ، 2 ލޮނުމެދާއި، ހިކަނދިފަތާއި، ދިރި، އަސޭމިރުސް، ތެޅިމިރުސް، ހުނި، ލުނބޯ ހުތް، ¼ ސައިސަމުސާ ލޮނާއި، ފެން މިކްސަރަށް އަޅާ މުގުރާށެވެ. ރަނގަޅަށް އޮމާން ވާވަރަށް މުގުރުނީމާ އެހަށް ބަހައްޓާލާށެވެ.
ބާކީއޮތް ފިޔާކޮޅު ތުނިކޮށް ކޮށާށެވެ. ތެއްޔަކަށް ތެޔޮ އަޅައި ހޫނު ކުރާށެވެ. ހޫނު ވީމަ ކޮށި ފިޔާކޮޅާއި، ގިތެޔޮ މިރުހާއި، ބާކީހުރި ހިކަނދިފަތްކޮޅާއި، ރާނބާފަތް އޭގެ ތެރެއަށް އަޅާފައި ފިޔާކޮޅު މަޑުވެ މުށިކުލަ އަރަންދެން ކައްކާށެވެ. ދެން ތައްޔާރު ކޮށްފައި ހުރި ހަވާދު އޭގެ ތެރެއަށް އަޅާ އެއްކޮށްލާފައި ބައި މިނެޓެއް ހާއިރު ކައްކާލާށެވެ. ދެން ފެންކިރު އަޅާ އެއްކޮށްލާފައި ބޮކިޖަހާ ކެކިގަންނަންދެން ކައްކާށެވެ.
ބޮކި ޖަހަން ފެށީމަ ގިނި މަޑު ކޮށްލާފައި ފަރުމަސްކޮޅު ތެއްޔަށް އަޅާށެވެ. ދެން ތެލީގައި މަތި ޖަހައިގެން 15 މިނެޓު ވަރު ކައްކާލާށެވެ. އެހާއިރު ވާއިރު މަސްކޮޅު އޮންނާނީ ރޯފިލާފައެވެ. ބޯކިރު އަޅާ އެއްކޮށްލާށެވެ. ދެން ރަހަ ހެޔޮވަރު ކޮށްލާށެވެ. ރަހަހެޔޮވަރުވީމަ އުނދުން ނިވާލާށެވެ.
