މި އަހަރުގެ ރަމަޟާން މަހުގެ ފަހުދިހައެއްގައި މާލޭ ސިޓީގެ ޖުމްލަ 35 މިސްކިތެއްގައި ދަމުނަމާދު ކުރުމަށް ހަމަޖެހިފައިވާ ކަމަށް މިނިސްޓްރީ އޮފް އިސްލާމިކް އެފެއާޒްއިން ބުނެފިއެވެ.
މިކަމާ ގުޅިގެން އިސްލާމިކް މިނިސްޓްރީން ނެރެފައިވާ އިޢުލާނެއްގައި ބުނެފައިވަނީ، ރަމަޟާން މަހުގެ ފަހުދިހައެއްގައި މާލޭގެ 21 މިސްކިތެއްގައި ދަމުނަމާދު ކުރަން ހަމަޖެހިފައިވާ ކަމަށެވެ. ހަމައެހެންމެ ހުޅުމާލޭގެ 11 މިސްކިތަކާއި، ވިލިމާލޭގެ ތިން މިސްކިތެއްގައި ދަމުނަމާދު ކުރަން ހަމަޖެހިފައިވާ ކަމަށް އެ މިނިސްޓްރީން ވަނީ ބުނެފައެވެ.
މާލޭގައި ދަމުނަމާދު ކުރުމަށް ހަމަޖެހިފައިވާ މިސްކިތްތައް:
- އިސްލާމީ މަރުކަޒު
- މަސްޖިދުލްމަލިކި ސަލްމާން
- ވިޔަފާރިވެރިންގެ މިސްކިތް
- މަސްޖިދުލްފުރްޤާން
- މަސްޖިދުއްނޫރު
- މަސްޖިދުއްޝަހީދު ޢަލީ
- ޠައިބާ މިސްކިތް
- ދުނބުރި މިސްކިތް
- ފަނޑިޔާރު މިސްކިތް
- ބަންޑާރަ މިސްކިތް
- މަސްޖިދު ސަލާހުއްދީން
- މަސްޖިދު ޖަލާލުއްދީން
- މަސްޖިދު އިބްރާހީމް
- މަސްޖިދު އިސްކަންދަރު
- މަސްޖިދު ޔޫސުފުލްބަރުބަރީ
- ރަން މިސްކިތް
- ފައިފުހޭ މިސްކިތް
- މާވެޔޮ މިސްކިތް
- މަސްޖިދު އަފީފުއްދީން
- މާފަންނު އާމިސްކިތް
- މަސްޖިދުއްޒިކްރާ
ވިލިމާލެގައި ދަމުނަމާދު ކުރުމަށް ހަމަޖެހިފައިވާ މިސްކިތްތައް:
- މަސްޖިދުލްބިއްރި
- މަސްޖިދުއްސަލާމް
- މަސްޖިދުލްއިޚްލާސް
ހުޅުމާލޭގައި ދަމުނަމާދު ކުރުމަށް ހަމަޖެހިފައިވާ މިސްކިތްތައް:
- ވަށްގުއްބު މިސްކިތް
- މަސްޖިދު ރަޝީދު
- މަސްޖިދު ޢަޒީޒާ މޫސާ
- މަސްޖިދުލްވާލިދައިނި
- މަސްޖިދު މުޙައްމަދު
- މަސްޖިދުލްއަޞްދިޤާ
- މަސްޖިދު ޙަސަން ޢާދަމް
- މަސްޖިދުލް އީމާން
- މަސްޖިދު އަމީލް ޖަލީލް
- މަސްޖިދު އަބީބަކުރިނިއްޞިއްދީޤް
- މަސްޖިދު ޢުޘްމާނު ބިން ޢައްފާން
ދަމުނަމާދު ކުރުމުގެ އިތުރުން، މި ރަމަޟާން މަހުގެ ފަހުދިހައެއްގައި އިޢުތިކާފަށް ތިބުމަށް ހަމަޖެހިފައިވާ މިސްކިތްތަކުގެ ލިސްޓުވެސް އިސްލާމިކް މިނިސްޓްރީން ވަނީ ޢާންމުކޮށްފައެވެ. އެގޮތުން މާލޭ ސަރަޙައްދުގައި އިޢުތިކާފަށް ތިބުމަށް ހަމަޖެހިފައިވާ މިސްކިތްތަކުގެ އަދަދަށް ބަލައިލާއިރު، މާލޭގައި ޖުމްލަ 16 މިސްކިތެއްގައި، ހުޅުމާލޭގެ އަށް މިސްކިތެއްގެ އިތުރުން ވިލިމާލޭގެ އެއް މިސްކިތުގައި އިޢުތިކާފަށް ތިބުމަށް ވަނީ ހަމަޖެހިފައެވެ.
