ޓިކްޓޮކްގައި މަޝްހޫރު ޝެހެނާޒް މޫސާ، ހުޅުމާލޭގައި ހުންނަ އަމާން ދޯދި ފްލެޓެއް ކުއްޔަށް ދިނުމަށް އިޝްތިހާރެއް ޖެހި މައްސަލަ ފެންމަތިވެއްޖެއެވެ.
އަމާންދޯދި ފްލެޓެއް ކުއްޔަށް ދިނުމަށް ޝެހެނާޒް އެ ޕޯސްޓްކޮށްފައިވަނީ މަހަކު 23،000 ރުފިޔާއަށެވެ. އެހެންނަމަވެސް މިވަރުގެ ކުއްޔަކަށް ޖަހާފައިވާއިރު ތަނުގައި ފަރުނީޗަރެއް ނެތް ކަމަށް ލިޔެފައިވެއެވެ. ނަމަވެސް ބަދިގޭގެ ފަރުނީޗަރު ހަދާފައިވާ ފްލެޓެއް ކަމަށް ޝެހެނާޒްގެ ޕޯސްޓްގައިވެއެވެ.
އެ ޕޯސްޓުގައި ގުޅުމަށް ދީފައިވާ ނަންބަރާއި ހަވާލާދީ މީސްމީޑިއާގައި މީހަކު ބުނެފައިވަނީ އެއީ އަމާން ދޯދި ފްލެޓެއް ކަމަށެވެ. އަދި އޭނާ ވަނީ ފަހި ދިރިއުޅުން ކޯޕަރޭޝަންގެ މެނޭޖިން ޑިރެކްޓަރު، ހަމްދާން ޝަކީލްގެ ސަމާލުކަމަށް އެކަން ގެނެސްފައެވެ.
I was notified of this earlier today and I have already informed my team to look into this. FDC flats are NOT for sub leasing – violates lease agreement with tenant. @Fdc_mv will actively pursue those who are leasing and will fine up to MVR 50,000 and terminate the agreement with… https://t.co/5GdFYJjEGy
— Hamdhan Shakeel (@HamdhanShakeel) March 6, 2026
މި މައްސަލަ ސަމާލުކަމަށް ގެނައިފަރާތުގެ ޕޯސްޓަށް ޖަވާބު ދެއްވަމުން ހަމްދާން ވިދާޅުވީ، އެކަން މިއަދު އޭނާގެ ސަމާލުކަމަށް އައުމާއި ގުޅިގެން އެކަން ބެލުމަށް އޭނާގެ ޓީމަށް އަންގާފައިވާނެ ކަމަށެވެ. އަދި އެފްޑީސީގެ ފްލެޓްތަކަކީ އާމްދަނީ ހޯދުމަށް ކުއްޔަށް ދިނުމަށް ދޫކޮށްފައިވާ ތަންތަން ނޫން ކަމަށާއި އެގޮތަށް ކުއްޔަށް ދިނުމުން އެފްޑީސީއާއި އެތަން ލިބިފައިވާ ފަރާތާއި ދެމެދު ހެދިފައިވާ އެއްބަސްވުމާއި އެފަރާތުން އެ ޚިލާފުވީ ކަމަށް ހަމްދާން ބުންޏެވެ.
”އެގޮތަށް ކުއްޔަށް ދޭ ފަރާތްތައް 50،000 ރުފިޔާއިން ޖޫރިމަނާކޮށް އެތަން ކުއްޔަށް ދޫކުރާ ފަރާތް ނުވަތަ އެތަނުގެ ވެރިފަރާތާއެކު ވެފައިވާ އެއްބަސްވުން ވަގުތުން ބާތިލުކުރާނެ“ ހަމްދާން ވިދާޅުވިއެވެ.
މީގެ އިތުރުން ހަމްދާން ވިދާޅުވީ، އެފަދަ ފްލެޓްތައް އެގޮތަށް ކުއްޔަށް ދިނުމަކީ ގޯހެއް ކަމަށާއި އެކަމުގެ ސަބަބުން ގެދޮރު އިމާރާތް ކުރުމުގެ މަޝްރޫއުތަކުގެ މަގުސަދު ނިގުޅައިގަނެވޭ ކަމަށެވެ. އަދި އެތަންތަން ކުއްޔަށް ދޫކޮށް އާމްދަނީ ލިބޭ ތަންތަނަށް އެތަންތަން ބަދަލު ކުރުމަކީ ކޮންމެ ދިވެއްސެއްގެ ވެސް ހައްގު ނިގުޅައިގަތުން ކަމަށް ވެސް ހަމްދާން ވިދާޅުވިއެވެ.
އަމާންދޯދި ފްލެޓްތަކަކީ ހުޅުމާލޭ ދެވަނަ ފިޔަވަހީގައި އެފްޑީސީން އިންޑިއާގެ އެންބީސީސީއާ ހަވާލުކޮށްގެން އިމާރާތްކޮށްފައިވާ ފްލެޓްތަކެކެވެ. 23،000 ރުފިޔާއަށް 3 ކޮޓަރީގެ ފްލެޓެއް ކުއްޔަށް ދޭން ޖަހާފައިވާއިރު، އެތަނުގެ އަސްލު އަގަކީ މަހަކު 10،500 ރުފިޔާއެވެ.
އެތަން ކުއްޔަށް ދޭން ޝެހެނާޒް ޖަހާފައިވާ ޕޯސްޓުގައިވާ ނަންބަރަކީ މަރިޔަމް ރުހުޝާ ބޭނުން ކުރަމުން އަންނަ ނަންބަރެކެވެ. މަރިޔަމް ރުހުޝާއަކީ ޓިކްޓޮކްގައި ޝެހެނާޒްގެ ގާތްއެކުވެރިއެކެވެ. ޓިކްޓޮކް ނަމުން ނަމަ އެއީ ”ރޭޑިއޯ“ އެވެ.
