ބޭނުންވާތަކެތި
ތައްޔާރުކުރަން ނަގާ ވަގުތު :30 މިނެޓް
ބީފް މެރިނޭޓް ކުރުމަށް
500 ގްރާމް ބީފް ( ސާފުކޮށްފައި ދިގަށް ވާގޮތަށް ކޮށާފައި)
1 މޭޒުމަތީ ސަމުސާ ގާރލިކް ޕައުޑަރ
1 މޭޒުމަތީ ސަމުސާ އަސޭ މިރުސް
1 މޭޒުމަތީ ސަމުސާ ލޮނުމިރުސް ހަވާދު
1 މޭޒުމަތީ ސަމުސާ އޮރެގާނޯ
4 ލޮނުމެދު (ގާނައިފައި)
5 މޭޒުމަތީ ސަމުސާ ސޯޔާ ސޯސް
1 މޭޒުމަތީ ސަމުސާ ވިނިގަރ
1 ޖޯޑު ފުލްކްރީމް މިލްކް
1 ފިޔާ (ބޮޑު، މެދުން ފަޅައިފައި އަރިމަތިން ކޮށައިފައި)
ރަތް، ރީނދޫ، ފެހި ބެލްޕެޕާރ (ބެލްޕެޕަރ އަކުން ދެބައިކުޅަ އެއްބައި ދިގުކޮށް ކޮށާފައި)
1 މޭޒުމަތީސަމުސާ ޓޮމާޓޯ ސޯސް
ކުޑަ ފެންފޮދެއް
ކޮރިއެންޑަރ ފަތްކޮޅެއް
1 ގިތެޔޮ މިރުސް
ލޮނު ކޮޅެއް
ތެޔޮ ކޮޅެއް
ހަދާނެ ގޮތް
ތައްޓަކަށް ފުލްކްރީމް މިލްކް އަޅާފައި ބީފްކޮޅު އޭގެ ތެރޭގައި 10 މިނެޓު ވަންދެން ބަހައްޓާނީ.
މެރިނޭޓް ކުރަން ބޭނުންވާ ސޯސްގަނޑު ތައްޔާރު ކުުރުމަށް ތައްޓަކަށް ގާރލިކް ޕައުޑަރ، އަސޭމިރުސް، ލޮނުމިރުސް ހަވާދު، އޮރެގާނޯ، ގޭނި ލޮނުމެދު ކޮޅު، އަދި ސޯޔާ ސޯސް ކޮޅާއި ވިނިގަރ އަޅާފައި އެއްކޮށްލާނީ. އެއަށްފަހު މިލްކް ތެރޭގައި ހުރި ބީފްކޮޅު ފުރޭންޏަކަށް ނަގާފައި ތައްޔާރުކުރި ސޯސް ކޮޅުގެ ތެރެއަށް އަޅާފައި އެއްކޮށްލާނީ. 10 މިނެޓް ވަންދެން މެރިނޭޓް ކޮށްލުމަށްފަހު ތެއްޔަކަށް ކުޑަ ތެޔޮކޮޅެއް އެޅުމަށްފަހު އޭގެ ތެރޭގައި ބީފްކޮޅު ރޯފިލުވާލާނީ.
އެއަށްފަހު ބީފްކޮޅު ތެރެއަށް ބެލްޕެޕާ، އަދި ފިޔާ، މިރުސް އަޅާފައި ހާކާލާނީ، 1 މިނެޓް ފަހުން، ޓޮމާޓޯ ސޯސް ކޮޅު، ލޮނު، އަދި ކުޑަ ފެންފޮދެއް އަޅާފައި އެއްކޮށްލާނީ، އެއަށްފަހު މަތި ޖަހައިގެން 5 މިނެޓްވަންދެން ކައްކާލާނީ.. ހުރިހާ އެއްޗެހި ރަނގަޅަށް ރޯފިލީމަ ކުޑަ ކޮރިއެންޑާ ކޮޅެއް (ބޭނުންނަމަ) ބީފްކޮޅުގެ މައްޗަށް އަޅާލެވިދާނެ.
މިއީ ބީފް ތައްޔާރުކޮށްލަން ވަރަށް ފަސޭހަ އަދި ވަރަށް މީރު ގޮތެއް. މި ބީފް ބާސްމަތީ ރައިސް، ނުވަތަ ރޮށްޓާއި އެކުގައިވެސް ކެވިދާނެއެވެ.
