އިޒުރޭލާއި އެމެރިކާ ގުޅިގެން އީރާނަށް އަމާޒުކޮށްގެން ދިން ހަމަލާތަކުގައި ލިބުނު އަނިޔާތަކަށް ފަރުވާ ހޯއްދަވަމުން ގެންދަވަނިކޮށް އެ ޤައުމުގެ ކުރީގެ ރޫޙާނީ ލީޑަރު އާޔަތުﷲ ޢަލީ ޚާމަނާއީގެ އަނބިކަނބަލުން މަންޞޫރާ ޚުޖަސްތޭ ބާޤިރްޒާދޭ ވެސް އަވާހަރަވެއްޖެއެވެ.
މި ހާދިސާއާ ގުޅިގެން އީރާނުގެ ތަސްނީމް ނިއުސް އޭޖެންސީން ރިޕޯޓުކޮށްފައިވާ ގޮތުގައި، މީގެ ދެދުވަހެއް ކުރިން އިޒުރޭލާއި އެމެރިކާ އިސްވެ އޮވެ ރޫޙާނީ ލީޑަރު އާޔަތުﷲ ޢަލީ ޚާމަނާއީގެ އޮފީހަށް ދިން ހަމަލާތަކުގައި އެމަނިކުފަނުގެ އަނބިކަނބަލުން މަންޞޫރާއަށްވެސް ވަނީ އެކިވަރުގެ އަނިޔާތައް ލިބިފައެވެ. އިޒުރޭލުން ދިން މި ނިރުބަވެރި ހަމަލާގައި ޚާމަނާއީ ވެސް ވަނީ އަވަހާރަވެފައެވެ.
އީރާނުގެ ރަސްމީ އެއްވެސް އިދާރާއަކުން މިކަމާ ގުޅިގެން އަދި އެއްވެސް މަޢުލޫމާތެއް ހާމަކޮށްފައެއް ނުވެއެވެ. މި ހަމަލާތަކުގައި ޚާމަނާއީ އަދި މަންޞޫރާގެ އިތުރުން އޭ ދެބޭފުޅުންގެ ދަރިކަނބަލުންނާއި ދަނބިދަރިކަލުންގެ އިތުރުން ޚާމަނާއީއަށް ކާފަ ކިޔާ ދަރިކަލަކުވެސް ވަނީ އަވަހާރަކޮށްލައިފައެވެ.
މަންޞޫރާ އަވަހާރަވުމަކީ މެދުއިރުމަތީގެ ހަމަނުޖެހުންތައް މިހާރަށްވުރެ ބޮޑަށް އިތުރުވުމަށް މެދުވެރިވެދާނެ ސަބަބެއް ކަމަށް މަސްރަޙު ދިރާސާކުރާ ފަރާތްތަކުން އަންނަނީ ބުނަމުންނެވެ.
