އެމެރިކާ އާއި އިސްރާއީލް ގުޅިގެން އީރާނަށް އަމާޒުކޮށް ވައިގެ ހަމަލާތަކެއް ދޭންފަށާއިފައި ވަނިކޮށް އީރާނުން އިޒްރޭލާ އެމެރިކާއަށް ވަރުގަދަ އިންޒާރެއް ދީފިއެވެ.
ރިޕޯޓުތައް ބުނާ ގޮތުގައި އީރާނުން މިހާރު ތައްޔާރުވަމުން ދަނީ ސިއްސައިގެންދާފަދަ ރައްދު ހަމަލާތަކެއް ދިނުމަށެވެ. އެގޮތުން، ގަތަރު ފަދަ ގައުމުތަކުގައި ހުންނަ އެމެރިކާގެ އަސްކަރީ މަރުކަޒުތަކަށާއި އިސްރާއީލަށް ވަރުގަދަ ހަމަލާތަކެއް ފޮނުވާލާނެ ކަމަށް ބެލެވެއެވެ. އެމެރިކާ އާއި އިސްރާއީލުން ވަނީ އީރާންގެ ވެރިރަށް ތެހްރާންގެ އިތުރުން އެ ސިޓީއާ ކައިރި ސަރަހައްދުތަކަށް ބޮން އަޅައި ވަރުގަދަ ހަމަލާތަކެއް ދީފައެވެ. އަދި ބައެއް އެއާޕޯޓުތަކަށް ވެސް ބޮން އަޅާފައިވެއެވެ.
އީރާންގެ ގާނޫނު ހަދާ މަޖިލިހުގެ ގައުމީ ސަލާމަތާ ބެހޭ ކޮމިޝަންގެ ވެރިޔާ އިބްރާހިމް އަޒީޒީ ވިދާޅުވީ ”އަހަރުމެން ކަލޭމެނަށް އިންޒާރު“ ދީފައިވާނެ ކަމަށެވެ.
We warned you!
Now you have started down a path which end is no longer in your control.— ابراهیم عزیزی (@Ebrahimazizi33) February 28, 2026
އިސްރާއީލާއި އެމެރިކާ ގުޅިގެން ދިން ހަމަލާގައި އީރާންގެ އާންމުންނަށް ވެސް ވަނީ އަނިޔާވެފައެވެ. އެހެންނަމަވެސް ރިޔާސީ ގަނޑުވަރަށް ދިން ހަމަލާގައި ރައީސްއަށް އެއްވެސް އަނިޔާއެއް ވެފައި ނުވާކަމަށް ރިޕޯޓްކޮށްފައިވެއެވެ.
